SeiberLarwm yr Heddlu
Helpu'ch busnes i fonitro ac adrodd am y gweithgaredd maleisus rydych chi'n ei wynebu o'r Rhyngrwyd.
Fel busnes yng Nghymru, rydych chi'n gymwys i gofrestru ar gyfer CyberAlarm yr Heddlu am ddim.
Beth yw'r manteision i'm busnes?
Adroddiadau Rheolaidd
​
Yn nodi gweithgarwch maleisus/ymosodiadau posibl a ddarganfyddir ar eich wal dân/porth i'r rhyngrwyd. Gallwch ddefnyddio'r adroddiadau hyn i ymchwilio ymhellach a diogelu eich busnes yn well.
Nodi gwendidau eich busnes
​
Yn sganio gwefan eich busnes a chyfeiriadau IP allanol am wendidau hysbys. Gall yr adroddiadau rheolaidd hyn eich helpu i ddiogelu eich busnes rhag gweithgarwch y gwyddys ei fod yn amheus.
Gwybodaeth a chudd-wybodaeth busnes
​
Defnyddir data i roi manylion am y bygythiadau diweddaraf a ddarganfyddir, gan olygu y gall eich busnes ddiweddaru ei fesurau diogelwch.
Helpu'r heddlu i'ch helpu chi
​
Mae'r heddlu hefyd yn defnyddio data i nodi bygythiadau presennol, cymryd camau gorfodi yn erbyn seiberdroseddwyr a helpu eich busnes i baratoi a diogelu ei hun yn well.
​Beth yw Police CyberAlarm?
​
Adnodd am ddim yw Police CyberAlarm i helpu eich busnes i ddeall a monitro gweithgarwch seiber maleisus. Mae Police CyberAlarm yn gweithredu fel “camera teledu cylch cyfyng” sy'n monitro'r traffig a welir drwy gysylltiad aelod â'r rhyngrwyd. Bydd yn canfod gweithgarwch yr amheuir ei fod yn faleisus ac yn rhoi adroddiadau rheolaidd arno, gan alluogi sefydliadau i leihau eu gwendidau i'r eithaf.
Gellir ychwanegu adnodd Sganio Gwendidau hefyd a'i ddefnyddio i sganio gwefan sefydliad a'i gyfeiriadau IP allanol.
Fel busnes yng Nghymru, rydych yn gymwys i gofrestru ar gyfer Police CyberAlarm am ddim.
Sut mae Police CyberAlarm yn gweithio?
​
Unwaith y byddwch yn aelod o Police CyberAlarm, gallwch osod ‘Gweinydd Rhithwir CyberAlarm’ ar eich system a fydd yn casglu ac yn prosesu logiau traffig sy'n nodi gweithgarwch amheus ar eich wal dân/porth i'r rhyngrwyd.
System fonitro yw Police CyberAlarm ac nid yw'n ymyrryd â gweithrediadau arferol y rhwydwaith. Darn bach o gyfarpar rhithwir ydyw sy'n gweithredu y tu allan i'r rhwydwaith. Nid yw'n achosi unrhyw oedi i'r traffig sy'n mynd drwy'r porth a dim ond un clic sydd ei angen i'w osod.
Defnyddir y data a gesglir i lunio adroddiadau rheolaidd ar weithgarwch amheus neu weithgarwch maleisus posibl a welir gan eich busnes, yn ogystal ag adroddiadau sy'n nodi tueddiadau o ran bygythiadau a welir ar draws y rhwydwaith o aelodau Police CyberAlarm. Gall eich busnes ddefnyddio'r gudd-wybodaeth hon i ddiweddaru ei fesurau amddiffyn er mwyn ei ddiogelu'n well rhag bygythiadau seiber.
Defnyddir y data hyn hefyd gan yr Heddlu i werthuso ac olrhain tueddiadau o ran seiberdroseddau, a chymryd camau gorfodi lle y bo'n briodol.
A yw'n casglu unrhyw ddata personol?
​
​Nac ydy. Ni chaiff cynnwys y traffig ei gasglu gan y system. Nod y system yw diogelu data personol, cyfrinachau yn y maes ac eiddo deallusol.
Ble y gallaf gofrestru?
System yr heddlu yw Police CyberAlarm, a chaiff yr holl ddata a gesglir eu casglu gan yr heddlu, nid y Ganolfan Seibergadernid yng Nghymru.