Mae Paul wedi bod yn heddwas ers 22 mlynedd ac yn ystod y cyfnod hwnnw mae wedi gweithio mewn rolau amrywiol o fewn plismona. Ymunodd â Heddlu De Cymru ym 1999 ac mae wedi cyflawni rolau gweithredol yn Abertawe, Port Talbot, Cwm Cynon a Maesteg. Mae gan Paul brofiad o weithio mewn Adrannau Ymchwiliadau Troseddol, timau Ymchwilio i Gyffuriau Rhagweithiol yn ogystal ag amrywiol rolau mewn lifrai. Mae Paul yn swyddog chwilio heddlu cymwysedig ac, yn rhinwedd y swydd honno, mae wedi gweithio ar ddigwyddiadau mawr gan gynnwys y Gemau Olympaidd, Uwchgynhadledd NATO Cymru ac Uwchgynhadledd G7 yng Nghernyw.

Yn 2017, trosglwyddodd Paul i’r Adran Troseddau Arbenigol lle’r oedd yn gyfrifol am alluoedd gwyliadwriaeth dechnegol yr heddlu yn ogystal â goruchwylio gweithrediadau plismona cudd a chaffael data cyfathrebu i gynorthwyo gydag ymchwiliadau i droseddau mawr.

Mae gan Paul gyfoeth o brofiad gwaith partneriaeth aml-asiantaeth o gael ei secondio ar dîm lleihau Llosgi Bwriadol Cymru Gyfan Llywodraeth Cymru a gweithio gydag asiantaethau partner amrywiol i leihau effaith trosedd ac anhrefn yn y meysydd gweithredol y mae wedi gweithio ynddynt.

Mae Paul yn deall ei fod yn ystod ei wasanaeth wedi gweld newidiadau sylweddol i’r modd y cyflawnwyd trosedd. Mae seiberdroseddu bellach wedi dod i’r amlwg ac mae’n awyddus i weithio yn y maes hwn a chyda phartneriaid allweddol i leihau’r effaith y gall ei chael ar ddioddefwr. Mae pennaeth seiber ac arloesi yng Nghanolfan Seiber Gydnerth Cymru yn sefyllfa gyffrous iddo, ac mae’n awyddus i drosglwyddo ei brofiad plismona blaenorol i’r rôl newydd.